Dispar Buleleng Ngelaksanayang Pembinaan Kelompok Sadar Wisata Bumi Lestari Desa Pegadungan
Rahinane mangkin Wrespati 12 Mei 2022 kelaksanaang pembinaan Kelompok Sadar Wisata Bumi Lestari Desa Pegadungan olih Dinas Pariwisata Kabupaten Buleleng, sane keangganin olih Kepala Bidang Sumber Daya Pariwisata, Ibu Kadek Mila Pradnyani,SS.,MAP Narasumber keangganin olih Ketut Sutrawan Praktisi Desa Wisata saking Desa Pemuteran, taler Uleman sane sampun ngerauhin inggih punika Bapak Sekdes Pegadungan, Bapak Babinsa Desa Pegadungan taler anggota Kelompok Sadar Wisata Bumi Lestari Desa Pegadungan.
Sekdes Pegadungan maosang Desa Pegadungan meduwe Air Terjun Tirta Buana sane pacang keanggen Potensi Wisata alam sane jagi katincapang malih, Sekdes Pegadungan taler maosang Guru Wisese mangde nenten rered-rered ngicenin pemargi ring sajeroning nincapang Pokdarwis Desa Pegadungan benjang pungkur mangde wenten angge sepat siku-siku nincapang pemargi pokdarwis iriki, pastike make unteng tetujon preside memargi antar tur manut sane keaptiang Guru Wisesa dumogi Pokdarwis Desa pegadungan sayan nincap tur mewiguna ring Desa Pegadungan kedasarin antuk melestarikan potensi wisata alam sane wenten ring Desa Pegadungan.
